有啲人一世都唔知自己點解會失敗，而有啲人只用左少少時間就已經成功。失敗同成功嘅分水嶺，並唔係我地擁有幾多資源，而係我地嘅思維模式。建立一個好嘅認知思維，先可以踏上通往成功嘅路。
第一步：
學識揀朋友
你同點樣嘅人相處 你就會變成點樣
唔知大家有冇聽過，你身邊同你最親近嘅五個人，就係對你影響最大嘅人。因此，我地如果想培養自己嘅格局，就要選擇一啲對我地有正面影響嘅朋友。佢哋唔一定係十分有錢，唔係一定要好聰明。
但只要佢地可以幫你變成更好嘅自己，咁就係啱你嘅朋友。畢竟，人好容易就會跌入慣性思維。如果冇一個好嘅榜樣係隔離做參照，同埋提醒你，我地好容易就會變成自我感動嘅努力。唔單止會做完冇成績，仲會令你好氣餒，唔明白自己錯係邊度。
第二步：
大膽嘗試
格局打開左之後，嘗試就係另外一個十分關鍵嘅步驟。因為係大量嘅輸入之後，我地都要透過嘗試去運用學返黎嘅知識。而係運用同嘗試嘅過程中，我地要面對嘅就係失敗。“失敗乃成功之母”，多次嘅失敗可以幫助我地累積經驗，幫助我地成長。
第三步：
不恥下問
學識點樣去請教他人，都係成長路上必經嘅課題。有人可能會話，問問題姐，面皮厚咪識囉。但其實，問人都有好大學問。例如我地要識得點樣提問，唔好經常問啲“假大空”嘅問題，而係問啲具體嘅、有思考過嘅、與現時自身嘅背景、計劃以及想突破嘅地方嘅問題。同時，詢問嘅對象都十分緊要，請教一啲係相關領域嘅成功人士，可以幫助我地行少好多冤枉路。
第四步：
為下次做準備
唔少人都會因為一時嘅失敗而放棄，但今次嘅失敗，其實係為下次嘅成功而做緊鋪墊。因此，無論成功與否，我地係過程之中所得到嘅經驗都係寶貴嘅資產。千祈唔好因為一時嘅不如意而氣餒，因為只要我地肯行動，就一定會有收穫。人生流流長，要無時無刻為做到最好而準備。
