五谷，可以話係亞洲人嘅主要食糧之一，佢既是澱粉質嘅攝取來源，亦都係是人類文明嘅起源之一。
五谷，五谷……聽就聽得多，但實質係邊五種，你又講唔講得出呢？
五谷，第一種講嘅就係稻，亦即係水稻。泛指剝左殼同埋加工過嘅大米，係一半以上嘅地球人嘅主要食糧。而水稻都係中國現時產量最大嘅農作物之一，其栽培歷史，可以追溯到成萬年前，都真係十分之古老。
第二種，就係為人熟知嘅麥啦。麥又分小麥同大麥，而小麥就係五谷入邊，唯一一個唔係係中國起源嘅品種。根據現時嘅科學研究，可以斷定小麥最早嘅產地係係西亞地區，由嗰度嘅古代先民培植出黎嘅，至今都有成9千幾年歷史。
第三種，黍，音“鼠”。佢嘅外型同小米好似，都係黃色嘅，不過體積上就俾小米要大一啲。佢嘅特點係生產期短、唔需要大量水份，因此係競爭力上有好強嘅優勢，係種植得最早嘅糧食之一。
第四種，稷，音“跡”，又被稱為“粟”。同粟米一樣係黃色，亦即係我地平時食嘅小米。雖然佢都叫米，但佢同水稻唔一樣，佢嘅祖先係狗尾巴草。而之所以佢可以被馴化成五谷之一，係有賴其強大嘅適應能力，即使係貧瘠嘅土地上都可以生長。最終係原始農業時期，稱為不可或缺嘅糧食來源之一。
第五種，菽，音“淑”。指嘅係我地平時食嘅“大豆”，亦都係所有豆類嘅總稱。菽起源於中國，但尚未查明其確實起源地，現猜測為東北、黃淮流域以及南方沿海。
