好多人以為，搵到一款啱自己嘅護膚品就以後都唔使再換。但其實，尼個觀點係錯㗎！因為我地嘅肌膚隨著年齡嘅增長會進入唔同嘅階段，會出現唔同嘅需要。所以我地同嘅保養品都要隨之更換同更新，先可以達到最好嘅功效！
青春期 清潔控油（18歲前）
眾所周知，青春期最大嘅煩惱，就係荷爾蒙誘發嘅大量油脂分泌。暗瘡、粉刺、閉口等等都係青春期少男少女們，最怕面對嘅煩惱。所以尼個階段嘅護膚，最主要係要針對油脂嘅控制，同埋培養清潔護膚嘅習慣。
青年期 補水調膚（18歲-25歲）
尼個階段嘅皮膚，都仲處於比較年輕嘅狀態。所以係選擇護膚品上面，唔需要揀啲太複雜嘅功能性產品。反而要揀成份簡單、天然、又可以補水保濕嘅產品。與此同時，青春期遺留落黎嘅皮膚問題，例如暗瘡印、凹凸洞等，都應該係尼個時期解決。因為尼個時候嘅我地，皮膚新陳代謝速度都尚算不錯，恢復能力比較快，所以係對付尼啲膚質問題最好時機。
青年晚期 抗初老（25歲-30歲）
過左25歲之後，身體嘅各種機能會開始下降，包括皮膚的新陳代謝。我地皮膚上嘅色素會開始浮現，膚色亦都變得黯淡。因此，尼個階段嘅護膚重點就係抗初老。搽防曬、少食甜嘢、做好保濕等，都係必須要做到嘅步驟。
壯年期 抗斑抗皺 （30歲-40歲）
進入中年，我地嘅面部嘅肌肉會開始鬆弛，而眼部係最為明顯。隨之而來皺紋同埋色斑都會開始變多。所以中年期嘅護膚，著重抗斑同埋抗皺，以提升血液循環，補充膠原蛋白為主。例如服用美肌食品、定期進行面部按摩等。
中老年期 抗氧化（40歲以上）
40歲以後，女性雌激素開始唔穩定，新陳代謝都大幅度下降。尼個時候，身體嘅廢物因為得唔到及時嘅清理而大量儲存係身體入邊，損害我地嘅細胞，加速衰老。而尼啲廢物就係我地平時講嘅「自由基」。要想清理尼啲「自由基」，就要攝取多啲「抗氧化物」。例如，茶多酚、維生素C、番茄紅素等。至於係護膚品上，就可以選擇啲含有硫辛酸、原型维E等成份嘅產品。
護膚係女人一生嘅事業，大家一定要好好保養，美麗咁行過人生每一個階段啊。
