水腫定真肥 一個測試睇下自己到底係咪水腫人

水腫是什麼？
水腫，水腫，聽就成日聽，但到底水腫係點樣形成嘅呢？其實，水腫可以分為兩種，全身性同埋局部性。之所以會出現水腫，係因為我地人體組織嘅間歇中，出現左過量嘅液體，例如水分同埋體液。

咩人會容易水腫？
好啦，其實咩人都有機會出現水腫。因為水腫嘅出現，同我地嘅生活習慣息息相關。久坐不動、少運動、三餐不定時同埋過度操勞嘅人都係水腫嘅高危人士。與此同時，過度節食、月經少以及面色蒼白嘅人，都會比較容易水腫。

點樣判斷水腫？
其實要睇有冇水腫，好容易，只要睇下以下幾個部位嘅變化，就可以知道啦

1. 輕度水腫
   水腫嘅人會有以下特徵，訓覺之前好頸渴，夜晚係咁去廁所同埋訓醒成個人都好腫。
2. 小腿同埋腳板底
   可以試下按下自己嘅小腿同埋腳板底，如果小腿係硬硬地，腳板底又成日著鞋好緊嘅話，就係水腫。
3. 臉頰
   面部係最容易見到有冇水腫嘅地方，因為面部嘅水腫通常係一起床最為明顯。如果你塊面日頭會漲啲，而夜晚又會縮返一圈嘅話，咁你就一定係水腫啦！
4. 體重
   同面部一樣，早上和夜晚嘅差距好大。
5. 肚腩仔
   可以摸一摸肚部嘅肌肉，如果係松松軟軟，冇咩彈性嘅話，咁就係水腫啦。
6. 皮膚
   想睇下有冇水腫，搵啲比較腫同埋胖嘅地方，用力按落去，拎起嘅時候如果長時間恢復唔到彈性同埋膚色嘅話，就係水腫。

快啲去check下你到底係唔係水腫啦。