毛孔粗大係唔少人一直困擾嘅問題。坊間成日都有唔同關於毛孔嘅謬論，其中最為廣傳嘅，一定就係毛孔擴大左就冇辦法收復。但其實，毛孔粗大係可以解決架！
不過，縮細毛孔都唔係一朝一夕就可以做到，係一場長期戰爭。想做到對症下藥，緊系要了解左毛孔粗大係點形成先啦！
點解毛孔會變得粗大？
1油脂分泌過盛
眾所周知，皮膚係會分泌一定嘅油份，去保護我地嘅肌膚。而當油脂嘅分泌超過左正常份量，我地皮膚入邊嘅毛囊皮脂腺就會變得活躍，令油脂不斷生長，從而超出毛孔嘅容量，湧出毛孔。長久下去，我地嘅毛孔就會被擴張，變成我地所講嘅毛孔粗大啦。
與此同時，毛孔變大左之後，好容易就會有粉刺同埋黑頭。因為粗大嘅毛孔有更大嘅空間，令角質容易積聚係毛孔入邊，變成我地所講嘅粉刺。而毛孔入邊嘅油脂系遇到空氣之後，就會因為氧化而變黑，形成我地平時成日見到嘅黑頭。
2痘痘處理不當
唔少人一見到痘痘，就會忍唔住手想擠佢。但其實咁樣唔係唔得架！因為當我地用手擠壓痘痘嘅時候，一黎手上面嘅細菌好容易會走入傷口，造成感染，二黎咁樣嘅手法好容易會傷到周圍嘅皮膚，引起毛孔粗大之餘，仲有機會整出凹凸洞。
3皮膚結構鬆弛
引起毛孔粗大嘅其中一個原因，就係我地嘅皮膚老化。隨住年齡嘅增長，我地面入邊嘅膠原蛋白、彈力纖維等，都會慢慢流失。所以，當我地嘅皮膚失去左尼啲元素之後，就會開始變得鬆弛，繼而出現鬆弛型毛孔粗大。
