講完毛孔點解會變粗大，咁就緊系要了解下有咩解決方法啦！
1建立良好嘅生活習慣
生活習慣係奠定我地皮膚好唔好嘅關鍵。唔好嘅生活習慣，例如夜訓、食嘢重口味、唔飲水等，都會加重油脂分泌，令面上嘅角質層變厚。
所以，我地應該培養一個良好嘅生活習慣，多啲做運動，去增加身體上嘅血液循環，幫助提升我地新陳代謝嘅速度，從而將廢物同埋毒素，排出體外。同時，選擇原型食物，減少攝取糖分，食多啲青菜，咁就可以減少身體發炎嘅情況，同埋減少宿便，清走腸道入邊嘅毒素啦。
2注意防曬同護膚
想皮膚變得好，防曬一定係必不可少嘅步驟。因為好嘅防曬，可以幫我地阻隔紫外線，延緩衰老。所以選擇防曬嘅時候，記得要揀啲適合自己，而防曬指數都高嘅產品呀！
除左防曬之外，護膚都係縮細毛孔重要嘅一環。想解決毛孔入邊油脂嘅問題，就一定要定期幫皮膚做清潔。而酸就係其中一樣好幫手，因為佢可以幫手去去除皮膚中嘅廢物同埋角質，起到控油嘅作用。所以含有低濃度A酸、水楊酸同埋果酸成分嘅洗面奶或者保濕產品，都係唔錯嘅選擇呢。
3醫學美容
已經擴大左嘅毛孔，有時處理不當反而會引起炎症，甚至係凹凸洞。去到比較嚴重嘅時候，我地好難可以自己處理或者進行改善。尼啲時候，我地可以試下激光去印、微針、水光針等唔同嘅方法進行補救。所以，與其自己搞，越搞越衰，不如出去俾啲專業人士睇睇，會比較穩陣。
