睇維港唔一定要去北角同尖沙咀，原來何文田都可以睇到咁靚嘅維港海景！唔單止係維港，連獅子山都可以睇到！
尼個神奇嘅地方就係何文田嘅紅燈山，係一個位於屋苑內嘅小山坡。紅燈山由叫做採石山，係附近居民晨運嘅地方。雖然被樓宇環繞，但環境清幽，位置隱秘，得一條台階可以上山，所以都冇咩人知佢嘅存在。
圖片來自網絡
採石山鄰近何文田站A2出口，出左地鐵站轉右行幾步，就可以見到一條台階。沿住向上一路直行，就會見到一個涼亭。見到涼亭轉右，行入右邊嘅小路，再行多5分鐘，就會見到係山頂嘅大球場啦！
上山嘅梯級好窄，所以大家行嘅時候，都要注意安全。同埋如果想影靚相嘅話，記得唔好著太厚嘅衫褲，會顯得臃腫，仲會擋住樓梯同埋山下面嘅景色。不過山上面冷空氣比較勁，所以大家上山嘅時候，都可以帶多件外套，既可以保暖，又唔會影響拍攝。
除左大球場之外，附近仲有一個細啲嘅平台，都好適合影相。行到球場，會見到有兩個向下嘅台階，一個遠一個近。遠啲嗰個台階，就係通往平台仔嗰個。落到平台，就會見到幾張公園長凳，可以拎黎休息同埋打卡。想影文青相嘅大家，可以拎本書坐係度，吹下風，曬下太陽，望下山下面嘅景色，都不知幾寫意。
