叮叮車，顧名思義，即係係運行嘅時候會車發出叮叮嘅聲音。佢係香港最平嘅交通工具，只要3蚊就可以搭曬成條線。同時，佢都係現時全世界入邊，唯一仲有全數運營嘅有軌雙層電車。
港島人對叮叮車應該唔會陌生，因為佢嘅行車路線圍繞港島。從西環去到西灣河，途徑中環、灣仔、跑馬地等。站與站之間，大概相隔250米度，站數都算多。
叮叮車嘅外表復古，顏色各異，跟據車身嘅廣告而變色。大時大節嘅時候，都可以見到叮叮車身上，有唔少嘅廣告，例如哥哥（張國榮）嘅忌日。不過其中最令人難忘嘅係白皮叮叮車，俾人一種復古而又舒服嘅感覺。好適合大家企係車站影文青同埋菲林相。
圖片來源：cvyz
身為香港其中一個歷史悠久嘅交通工具，叮叮車由1904年就開始運作。服務左香港人超過一個世紀，見證住香港嘅轉變同興衰。所以都係一代香港人嘅集體回憶。
夜晚嘅叮叮車同日頭係好唔同。行上叮叮車嘅二樓，風鑽入車廂，吹動人嘅髮絲，都吹來夜色嘅紙醉金迷。途徑中環，放眼望去，會有種盡收香港浮華嘅不真實感。
話曬係復古交通工具，叮叮車嘅內部結構仲保留緊佢最古老嘅設備。狹窄嘅樓梯，木製嘅車窗以及冇中央冷氣嘅車廂。
圖片來源：cvyz
一切都同八十年代一樣，唯一唔同嘅，應該係溫室效應下，炎熱得難以承受嘅香港天氣。
