身為一個文青，點可以錯過由紗廠改造而成嘅文化保育區—南豐紗廠呢。一齊黎瞭解下佢有啲咩特別之處啦～
南豐紗廠有咩特別？
南豐紗廠係南豐集團所策劃的保育項目，係2018年落成。佢入邊集結左非牟利文化機構、創意培育基地同埋體驗式零售項目。唔好睇佢好似好現代化咁，其實佢背後好有歷史架！
南豐紗廠見證左香港60年代時期嘅紡織工業黃金期，可以話係紡織業界嘅龍頭大佬。建基於集團悠久的歷，南豐紗廠以紡織業同埋工業為根基，帶領香港嘅創新產業同埋應用創意產業，踏入新的里程碑，令遊客可以體驗同埋探索未曾間斷的相關歷史同故事。
南豐紗廠有咩睇？
1南豐店堂
係南豐店堂我地可以見到不同的手工餐飲舖頭、生活百貨店同埋手作小店。仲可以參加唔同嘅活動去親身感受產品啟發、創新、組裝及製作嘅過程。尼啲正正係南豐店堂想表達的，香港不斷衍生改變的個性。同時，成為一個提供學習以及沈浸式零售經驗嘅地標，都係南豐店堂嘅目標之一。
2南豐作坊
南豐作坊的定位係一個為紡織科技以及農業產品科技，提供全新解決方案的平台。其設有投資基金，專門投資全世界入邊有潛力的農業和紡織業初創企業。因此，我們可以見到入邊供不同公司使用的共享辦公室，以及南豐作坊Lab。近距離觀察紡織業的先進設備是怎麼運行。
3六廠紡織文化藝術館（CHAT六廠）
亦即係南豐紗廠昔日係荃灣的原址，同時亦都係保育項目的一部分。
