狗係人類最好嘅夥伴，係你寂寞嘅時候可以陪你，係你開心嘅時候同你分享。依家就話你知養狗嘅四個好處啦！
一、幫助人增加運動量
眾所週知，無論係養大型狗定係小型犬，放狗都係唔可以省略個步驟。出門散步就一定要嫁啦！如果你養嘅係大狗狗嘅話，恭喜你，你好快就可以瘦到！因為大型犬嘅活動量比較大，因此需要主人幫佢放電，例如同佢玩遊戲、一齊係公園跑啊跳啊等等。久而久之，就增加左我地嘅運動量，做多左運動又陪多左狗狗，咁咪我地又健康，狗狗又開心咯！簡直係兩全其美！
二、提升社交生活
養狗狗嘅人通常俾人嘅感覺都更有愛心，而尼一種特質係社交生活中十分重要，可以建立一種值得信任嘅形象。除此之外，放狗嘅時候都會結識到唔少養狗嘅朋友仔（俗稱“狗友”），幫助我地擴闊社交圈子。坊間其實都有唔少養狗人士會創建嘅Facebook同WhatsApp group係俾大家一齊去討論養狗知識同埋聯誼架！
三、減輕生活壓力
都市人生活壓力大，日日為生計或者瑣事而煩惱。尼個時候，一隻可愛嘅狗狗就可以幫到你舒緩壓力。同狗狗嘅互動，可以幫助我地減輕壓力。同佢地玩嘅時候，唔單止係幫佢地放緊電，其實同時都係幫我地差電！
四、偵測癌症
呢個好處應該好少人會知道，但其實狗狗真係好犀利，連癌症都可以偵測到！大家都知道，狗嘅鼻佈滿唔同嘅神經，係十分之靈敏嘅。而靈敏嘅程度，係可以係糖尿病患者血糖降低嘅時候，聞到其中嘅化學物質。與此同時，佢哋仲可以聞到癌細胞！有啲狗狗甚至被專門訓練為幫助偵測癌細胞嘅偵測犬添！
