相信唔少女仔都想知道點樣先可以成為一個高質又吸引嘅人，做到以下幾點，保證你係同性群體入邊，脫穎而出。
- 唔好戀愛腦！
唔少女仔一拍拖就會冇左自己，做咩事第一時間都淨係會想起另一半，將另一半放係第一位。久而久之，無論係日程安排定係情緒，都好容易就受另一半影響。所以係一段關係嘅時候，我地要保持理智，保有自己，唔可以成個世界都淨係圍住另一半轉。 - 獨立自強
將底線擺係自己度，就係完勝嘅關鍵。女仔人家最怕嘅，就係太依賴別人。無論屋企人又好，另一半又好，我地都唔應該過分依賴佢哋。因為過度嘅依賴，一黎會令對方產生壓力，二黎都會令我地失去成長嘅能力，當依賴嘅對象離開或者消失之後，變得冇辦法自立。所以，女仔們都要培養獨立自主嘅品格，咁先可以吸引到同樣獨立又有能力嘅人架！正所謂物以類聚嘛！ - 少管閒事
講八卦好似係女人嘅天性，得閒講下，其實都無傷大雅。但講得多的話，就會令人對妳嘅印象變差，覺得你係無所事事嘅閒人。所以，八卦黎講，小講就怡情，與其花咁多時間講人地是非，倒不如睇下書，學下嘢，增值下自己。畢竟人嘅時間同精力係有限架嘛，要好好把握唔好浪費。
