生活中總有好多唔同嘅煩惱，例如工作、例如關係、例如愛情。煩惱雖多，但並唔係所有都可以被解決，正如日劇《逃跑可恥但有用》嘅劇名，有時適當嘅逃避，或者都係解決煩囂嘅其中一種方法。
而閱讀就係一個好好嘅逃避方式。自從養成左每日讀書半小時嘅習慣之後，半年入邊，都將近睇左成30本書了。具體從中學習到啲咩，很難一概而論，但確實為我嘅生活以及對待煩惱嘅觀點，帶黎唔少嘅改變。
豐富的人生裡 書籍是必需品
我地成日都想拜託日復一日，一成不變嘅苦悶人生。而書就係其中一個好好嘅工具。因為閱讀係我地足不出戶嘅情況下，就已經可以帶領我地，擴闊視野，豐富我地嘅閱歷。幫我地建構屬於自己嘅小小世界，係一個唔會受外界事物所影響嘅避風港。
抵抗娛樂至死
係尼個凡事都追求快速以及感官刺激嘅時代，我地無時無刻沈溺係虛擬世界，透過社交平台同埋通訊軟件，索取自己存在嘅價值。以至於浪費左一個又一個嘅碎片時間，只為左去獲取一時嘅快感。咁樣嘅我地，既滿足又空洞，因為快感過後，剩下嘅係，什麼也沒有。而睇書反而係更好嘅，填滿碎片時間嘅工具。因為當我地睇書嘅時候，我地嘅心靈得到慰籍，我地嘅大腦吸收到知識，而感官上嘅刺激也依然可以被滿足，一箭三鵰。所以，放下手機，拿起書本，你或者可以發現截然不同嘅自己，以及全新的，世界。
希望你都可以，成為閱讀者嘅一份子，在光怪陸離嘅世界裡，找到獨一無二，只屬於你的，存在的意義。
