當代年輕人最想實現嘅夢想，莫過於係「財務自由」。畢竟財務自由左，我地就咩都可以做到。咁點樣先可以做到「財務自由」呢？首先，你一定要認識以下四個人生象限。
有睇過《富爸爸窮爸爸》尼一本書嘅人，都知道書入邊提出左一個「ESBI」嘅模型。
E（Employee） 俗稱，打工仔，意指嗰啲係一間公司或者企業度打工，靠工資過活嘅人。作為打工仔嘅好處係有穩定嘅現金流，好彩嘅甚至可以係退休之後，得到一份足夠溫飽嘅退休金。
但係，打工仔收入雖穩定，但其資金增長嘅速度十分緩慢，所以基本上好難可以靠份工去實踐財務自由。
S（Self-employee）即係我地所講嘅自僱人士，例如保險從業員、freelancer等。唔少人都十分崇尚尼一種職業，因為佢哋時間比較彈性，做得好嘅話，收入都會不錯。
不過係現金流方面黎講，自由職業嘅係資金漲幅上都係偏慢，仲要有唔穩定嘅風險。畢竟工資斷job計，但時間有限，令接單變相限制左我地嘅現金流。
B（Business-owner）企業家，亦即係你最討厭嘅老細。企業家利用人地嘅時間幫自己賺錢，事業越大，佔用其他人嘅時間就越多，其槓桿就越大。去到最後仲可以請職業管理人幫自己睇公司，輕鬆實現訓係到就搵到錢。
I（Investor）投資家，係唔同嘅市場入邊，例如股票、債券等領域中進行投資。佢哋唔單止會自己投資，同時都會幫其他人甚至係公司管理財富，幫佢地做投資。
以上四個人生象限，你依家又處於邊一個象限入邊呢？無論係邊一個都唔緊要，只要努力，例如增加副業、開始投資，你都係為「財富自由」尼個目標而而前進緊。
